पोखरा। नेपालीले आर्थिक बर्ष ०८१ /०८२ मा २८ अर्ब रुपैयाँभन्दा बढीको विदेशी तरकारी आयत गरेको छ । भन्सार विभागका अनुसार आर्थिक वर्ष २०८०/०८१ मा नेपालमा २८ अर्ब ३१ करोड रुपैयाँको तरकारी आयात भएको हो ।
एक वर्षमा ५ लाख ४५ हजार मेट्रिक टन तरकारी नेपालमा आयात गरेको विभागको तथ्यांकमा उल्लेख गरिएको छ । यस्तै नेपालबाट पनि केही मात्रमा तरकारी निर्यात भएको विभागको तथ्यांकमा उल्लेख छ ।
नेपालबाट ८२ करोड रुपैयाँको तरकारी निर्यात भएको विभागले जनाएको छ । तरकारीबाट सरकारले एक वर्षमा करिब २७ अर्ब ४८ करोड रुपैयाँको घाटा बेहोरेको छ ।
यस्तै सरकारले एक वर्षमा ४ अर्ब ७२ करोड रुपैयाँ राजस्व संकलन गरेको छ । नेपालमा भारतबाट १४ अर्ब ६ करोड र चीनबाट २ अर्ब ३६ करोड रुपैयाँ बारबारको करिब चार लाख मेट्रिक टन तरकारी आयात भएको छ ।
यस्तै अन्य मुलुकबाट १ लाख मेट्रिक टनभन्दा बढीको तरकारी आयात भएको विभागको तथ्यांकमा उल्लेख गरीएको छ ।
प्रतिक्रिया दिनुहोस्