ट्रान्सपरेन्सी इन्टरनेसनल नेपालको पुनर्निर्माण र पुनस्र्थापना लेखनवृत्ति सम्मानबाट गोरखाका पत्रकार भिमलाल श्रेष्ठ सम्मानित भएका छन् ।
पत्रकार महासंघ गोरखामा पूर्व अध्यक्ष एवं कान्तिपुर टेलिभिजनका गोरखा संवाददाता श्रेष्ठ सहित भूकम्पबाट अतिप्रभावित १४ जिल्लाका १४ पत्रकारहरू ट्रान्सपरेन्सी इन्टरनेसनल नेपालको पुनर्निर्माण र पुनस्र्थापना लेखनवृत्ति बाट सम्मानित भएका हुन् ।
ट्रान्सपरेन्सी इन्टरनेसनल नेपालको सहयोग तथा सोही संस्था तथा नेपाल पत्रकार महासंघको सहकार्यमा पत्रकारहरुलाई आइतबार एक कार्यक्रमका बीच सो सम्मान प्रदान गरिएको हो ।
कार्यक्रमका प्रमुख अतिथि एवं राष्ट्रिय सूचना आयोगका प्रमुख आयुक्त महेन्द्रमान गुरुङले पुरस्कृत पत्रकारहरुलाई बधाई दिँदै सत्यतथ्य समाचार सम्प्रेषण गर्नुपर्नेमा जोड दिए ।
कार्यक्रममा ट्रान्सपरेन्सी इन्टरनेसनल नेपालका कोषाध्यक्ष किरण थापाले यस्ता लेखनवृत्ति सम्मानले पत्रकारहरुलाई हौसला प्रदान गर्ने भन्दै आगामी दिनमा पनि सहकार्य गर्ने बताए ।
प्रतिक्रिया दिनुहोस्