पोखरा, ३ साउन। पोखरा इलेक्ट्रोनिक्स तथा मोबाइल व्यवसायी संघ कास्कीले शनिबार पोखरा–२७, तालचोकस्थित होटल सेभेन अन्डरमा अन्तरक्रियात्मक कार्यक्रम सम्पन्न गरेको छ ।
संघका अध्यक्ष चिन्तामणि खरेलको अध्यक्षतामा सम्पन्न उक्त कार्यक्रममा संस्थापक, पूर्वअध्यक्ष, सल्लाहकार, आजीवन तथा साधारण सदस्यहरूको उपस्थिति रहेको थियो ।
कार्यक्रममा संघका सल्लाहकार पुष्पराज त्रिपाठीलाई स्कूल व्यवस्थापन समिति र लायन्स क्लबको अध्यक्षमा निर्वाचित भएकामा बधाई दिइ सम्मान गरिएको थियो ।
बिजयपुरदेखि गगनगौंडासम्मका क्रियाशील व्यवसायीहरूलाई समेट्दै गरिएको कार्यक्रममा व्यवसायीहरूको समस्या, समाधानका उपाय र आगामी योजना साझा गरिएको थियो ।
बैठकले चाडपर्व लक्षित उपहार कूपन कार्यक्रम साउन १५ देखि भदौ १ सम्म लागू गर्ने र राहतकोष स्थापना प्रक्रिया अघि बढाउने निर्णयसमेत गरेको छ ।
अध्यक्ष खरेलले सम्पूर्ण व्यवसायीहरूलाई एकताबद्ध गराउँदै आगामी दिनमा अझ प्रभावकारी कार्यक्रम ल्याइने प्रतिबद्धता जनाएका छन् ।
प्रतिक्रिया दिनुहोस्