काठमाडौं।सरकारसँग वार्ता गर्न विद्रोही नेपाल कम्युनिष्ट पार्टीले दुई सदस्यीय वार्ता टोली गठन गरेको छ । यसअघि हिजै सरकारले पनि वार्ता टोली गठन गरेको थियो । त्यस लगत्तै सो पार्टीले वार्ता टोली गठन गरेको घोषणा गरेको हो ।
नेकपाले पार्टी केन्द्रीय कमिटी सचिवालय सदस्य एवम् प्रवक्ता खडकबहादुर विश्वकर्मा ‘प्रकाण्ड’को संयोजकत्वमा दुई सदस्यीय वार्ता टोली गठन गरेको जानकारी गराएको छ । वार्ता टोली सदस्यमा नेकपाको सैन्य कमाण्ड तथा केन्द्रीय सदस्य उदय चलाउने ‘दीपक’ रहनुभएको छ ।
पार्टी महासचिव विप्लवद्वारा जारी विज्ञप्तिमा भनिएको छ, “नेपाल सरकारसँग देशका राजनीतिक, आर्थिक र राष्ट्रिय स्वाधीनताको विषयमा वार्तामा बस्न हाम्रो पार्टी नेपाल कम्युनिष्ट पार्टी सहमत भएको छ ।”
प्रतिक्रिया दिनुहोस्