पोखरा, ३ भाद्र । नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ भदौ ५ गते पोखरा आउँदैछन्। उनले सोही दिन यहाँ आयोजना हुने तीज महोत्सव कार्यक्रमको उद्घाटन गर्ने छन्।
उनी पोखराबाट दिउँसो लम्जुङको भोर्लेटार प्रस्थान गरी जनभेटघाटमा सहभागी हुने र स्थानीय पार्टी कार्यक्रमहरूमा उपस्थित हुने कार्यक्रम रहेको बताइएको छ।
भदौ ६ गते बिहान प्रचण्डले लम्जुङ प्रदेश अस्पतालको उद्घाटन गर्ने छन्। त्यसपछि दिउँसो १ बजे बेशीसहरमा पार्टी जिल्ला समन्वय समितिको विस्तारित बैठकमा सहभागी भएर नेता तथा कार्यकर्तालाई प्रशिक्षण दिने कार्यक्रम तय भएको छ।
सोही दिन उनले बेशीसहरस्थित तामाङ घेदुङ भवनको उद्घाटन गर्ने र दिउँसो करिब ४ बजे पोखरा फर्कने कार्यक्रम रहेको छ।
पोखरा फर्केपछि प्रचण्डले माओवादीका केही कार्यकर्ताले व्यवसायिक उद्देश्यले आयोजना गरेको तीज महोत्सवको उद्घाटन गर्ने र त्यसै दिन साँझ काठमाडौं फर्किने कार्यक्रम तय भएको नेकपा माओवादी केन्द्रका एक प्रदेश सचिवालय सदस्यले जानकारी दिए।
प्रतिक्रिया दिनुहोस्