काठमाडौं। नेकपा क्रान्तिकारी माओवादीका महासचिव मोहन वैद्यकिरणले नेपालमा फेरि हतियार उठ्ने बताएका छन् ।पार्टी सम्बद्ध जनवर्गीय संगठन तथा मोर्चाहरुले राजधानीमा आइतबार आयोजना गरेको विरोध सभामा वैद्यले जनताको ठूलो हिस्सालाई शोषण र उत्पीडनमा राखेर नेपाल कहिल्यै शान्तिपूर्ण मुलुक हुन नसक्ने वैद्यले बताए । शान्तिपछि मात्र क्रान्ति आउने भन्दै वैद्यले नेपालमा तत्काल शान्तिको सम्भावना नरहेको बताए ।
‘सत्ताधारी वर्गले जनतालाई शोषण, उत्पीडन, दमन गर्ने यी कम्युनिष्ट नामधारीहरु शहीदको रगतको आहालमा डुबेर सत्तामा जाने, अनि शान्ति कसरी हुन्छ ?’, वैद्यले भने, ‘शान्तिको युग क्रान्ति गरेपछि आउँछ ।
नेपालमा फेरि क्रान्तिका लागि बन्दुक उठ्छ ।’ महासचिव वैद्यले नेत्रविक्रम चन्द विप्लव समूह वार्तामा आएपछि मुलुक अब पूर्ण रुपमा शान्तिमा प्रवेश गरेको बताएको भन्दै वैद्यले त्यसको खण्डन गरे । उनले क्रान्तिकारी शक्तिलाई संसदीय राजनीतिमा आएको भ्रम छरेको भन्दै ओलीको आलोचना गरे । ‘प्रधानमन्त्रीजीले भन्नुभो अब सबै संसदवादी मुलधारमा आए, यो सरासर झुठ हो’, वैद्यले भने, ‘संसदवादी मूलधारमा छैनन् । हामी यो व्यवस्थालाई मान्दैनौँ । त्यसकारण संसदीय मूलधारमा जाने कुरा आउँदैन ।’
विप्लव समूहले सम्झौता गर्ने बित्तिकै शान्तिको युग सुरु भएको नठान्न वैद्यले चेतावनी दिए । वैद्यले मजदुर, किसान, महिला, दलित, आदिवासी जनजाति र मधेसी समुदायका सदस्या समाधान नभएसम्म शान्तिको युग सुरु नहुने उनको भनाइ थियो । आफूहरु ती समस्या समाधानका लागि हतियार उठाएर क्रान्तिको तयारीमा रहेको वैद्यले बताए ।
प्रतिक्रिया दिनुहोस्