पोखरा। गोरखा जिल्लाको विभिन्न स्थानमा आज विहान गएको पहिरोको कारण मानव बस्ती विस्थापित भएका छन् । जिल्लाको पालुङटार नगरपालिकाको राउतेपानी गाउँमा सडक माथिबाट आएको पहिरोको कारण नागरिकहरु बिस्थापित भएका छन्। विस्थापित नागरिकहरु स्थानीय सगरमाथा प्राविमा आश्रय लिएर बसेका छन् ।
पालुङटार स्थित खोली गाउँ पनि विस्थापित भएको छ । वडा नम्बर २ का अध्यक्ष लोकनाथ वाग्लेका अनुसार कति घर विस्थापित संख्भया एकिन भैसकेको छैन्। हाल सम्म २० घरका नागरिकहरु अन्यन्त्र आश्रय लिएर बसेका छन् ।
पालुङटार वडा नम्बर ९ स्थित विर्दीमा दुई घर खोलाले बगाएको छ भने खोलामा फसेका ६ जना मानिसहरुलाई नेपाली सेनाद्वारा उद्धार गरिएको छ ।
जिल्लाको शहिदलखन गाउँपालिका वडा नम्बर ७ बुङकोट बाह्रबिसेका कलाधर तिवारीको घरमा निरन्तर बर्षातको कारणले घर भित्र पुरै पानी पसेर जोखिम भएको छ।
शहिद लखन गाउपालिका वडा-७ बुङकोट अधेरी गाउँका सन्त बहादुर गुरुङको गोठमा निरन्तर बर्षातको कारण आएको पहिरो कारण गोठ पुरिएको छ ।
प्रतिक्रिया दिनुहोस्