एजेन्सी । भारतीय टेलिभिजन अभिनेत्री श्वेता तिवारी हालै आफ्नो वेब शोसँग जोडिएको एक इभेन्टका लागि भोपाल पुग्नुभएको थियो। श्वेतासँगै इभेन्टमा रोहित रोय, दिगांगना सूर्यवंशी र सौरभराज जैन पनि उपस्थित हुनुहुन्थ्यो । कार्यक्रममा श्वेताले आफ्नो ब्राको बारेमा बोल्नुभएको थियो ।
‘मेरो ब्राको साइज भगवानले लिइरहनुभएको छ’, उहाँले भन्नुभएकाे थियो । यो भनाइ अहिले सामाजिक सञ्जालमा भाइरल भइरहेको छ । ब्रालाई भगवानसँग जोडेको भन्दै उहाँको ट्रोल बनाउने क्रम सुरु भएको छ । श्वेताले कुन सन्दर्भमा यो कुरा बोल्नुभएको हो भन्ने केही खुल्न सकेको छैन ।
मध्य प्रदेशका गृहमन्त्री नरोत्तम मिश्राले भोपालको प्रहरी प्रमुख मकरन्द देवस्कारलाई यो मामलामा रिपोर्ट बुझाउन भन्नुभएको छ ।
श्वेता तिवारी पछिल्लो केही वर्षयता निरन्तर विवादमा तानिनुभएको छ । उहाँको विवाद वैवाहिक जीवन आसपास नै छ । उहाँमाथि पूर्वपति अभिनव कोहलीले केप टाउनमा खतरोंके खेलाडी ११ को सुटिङमा बिरामी छोरालाई छोडेर गएको आरोप लगाएपछि श्वेता विवादमा तानिनुभएको थियो ।
प्रतिक्रिया दिनुहोस्