काठमाडौं। उद्योग, वाणिज्य तथा आपूर्ति मन्त्री लेखराज भट्टले १२ दिन भित्र उखुको बाकीँ बक्यौता भुक्तानी गराउने बताएका छन् । आन्दोलनरत उखु किसानलाई भेट्न पुगेका मन्त्री भट्टले १२ दिन भित्र वक्यौता रकम भुक्तानी गराउने बताएका हुन् ।
शुक्रबार माइतीघर मण्डलामा पुगेर आन्दोलनरत किसानलाई बक्यौता रकम भुक्तानी गराउने जिम्मेवारी सरकारको भएकाले अबको १०–१२ दिनभित्र सम्पूर्ण रकम भुक्तानी गराईसक्ने प्रतिबद्धता व्यक्त गरे । मन्त्री भट्टले उखु किसानको बक्यौता रकम उद्योगबाट दिने प्रक्रिया आरम्भ भइसकेको बताए ।’ १०–१२ दिनभित्र सम्पूर्ण भुक्तानी गराइसक्छौं ।’ उनले भने ‘नभए सम्बन्धित पक्षको सम्पत्ती रोक्का गरिदिने प्रक्रियामा अगाडी बढ्छौँ । हामीलाई विश्वास गर्नुहोस् ।’
उखु किसानको आन्दोलनमा सहभागिता जनाउँदै नेपाली कांग्रेसका बरिष्ठ नेता रामचन्द्र पौडेलले उखु किसानलाई रकम दिलाउने कर्तव्यबाट राज्य पन्छिन नहुने बताए ।
तराईका बिभिन्न जिल्लादेखि काठमाडौँमा पुगेका उखु किसानहरु आइतबारदेखि आन्दोलनमा छन् । किसानहरुले करिब ९० करोड रुपैयाँ बक्यौता रकम चिनी उद्योगीहरुबाट लिन बाँकी छ ।
प्रतिक्रिया दिनुहोस्