काठमाडौँ । केपी शर्मा ओलीले टीका लगाएर एमाले भित्र्याएका धादिङका माओवादी नेता पित्तबहादुर डल्लाकोटी २४ घण्टामै पुरानो पार्टीमा फर्किएका छन् ।नेकपा एमाले धादिङ स्रोतले डल्लाकोटी माओवादीमै फर्किएको जानकारी दियो ।
डल्लाकोटी धादिङको बेनिघाट रोराङ्ग गाउँपालिका अध्यक्षसमेत हुन् । अघिल्लो निर्वाचनमा डल्लाकोटी धादिङमा माओवादी केन्द्रका तर्फबाट स्थानीय तह अध्यक्ष जित्ने एक मात्र प्रतिनिधि हुन् ।
उनी हिजो केपी शर्मा ओलीको हातबाट टीका लगाएर एमाले प्रवेश गरेका थिए । त्यसको २४ घण्टा नपुग्दै उनी माओवादीमै फर्किएका छन् ।
त्यसो त उनी एमाले पृष्ठभूमिकै नेता हुन् । उनी १५ वर्षअघि एमालेबाटै तत्कालीन माओवादीमा प्रवेश गरेका थिए ।
प्रतिक्रिया दिनुहोस्