संसद् विघटन प्रस्ताव असंवैधानिक र अवैध : सांसद अधिकारी

‘नेकपाको अहिलेको सरकार स्पष्ट बहुमतको सरकार हो । स्पष्ट बहुमतको सरकारले संसद विघटन गर्न मिल्ने प्रावधान संविधानमा छैन । त्यसैले यो प्रस्ताव नै गैरकानुनी छ,’ उनले भने, ‘नेकपा फुटेको भए, अर्को सरकार बनाउन मिल्ने अवस्था नभएको भए अर्कै कुरा हुन्थ्यो । पार्टीको आन्तरिक राजनीतिलाई लिएर संसद् विघटन गर्न मिल्दैन । संविधानमा त्यस्तै व्यवस्था छ ।’

संविधानविद् अधिकारीका अनुसार प्रधानमन्त्रीले गरेको सिफारिस राष्ट्रपतिले पनि अनुमोदन गरे त्यसले संवैधानिक जटिलता निम्त्याउने निश्चित छ । ‘प्रधानमन्त्रीको प्रस्तावमा राष्ट्रपतिले के भन्नुहुन्छ त्यो हेरौं । अन्य पार्टीहरुले पनि के प्रतिक्रिया दिन्छन् त्यो पनि हेरौं,’ उनले भने ।कान्तिपुरबाट