भरतपुर। पाँच दलीय गठबन्धनले भरतपुर महानगरपालिका वडा नम्बर ११ को लामाटोलमा भव्य कोणसभा सम्पन्न गरेको छ ।
कोण सभालाई सम्बोधन गर्दै मेयर पदका उम्मेदवार रेनु दाहालले सुन्दर र देशकै नमुना महानगर निर्माण गर्ने योजना लिएर आफू निर्वाचनमा होमिएको बताउँदै यसलाई साकार पार्न आदरणीय नगरबासी बुबा- आमा ,दाजुभाइ दिदी बहिनीहरुलाई मतदान मार्फत अमूल्य मत दिएर सहयोग गर्न अनुरोध गरिन् ।भरतपुर महानगरपालिकाको निवर्तमान मेयर समेत रहेकी दाहालले बितेको ५ बर्षमा सुन्दर सहरको आधारभूत पूर्वाधार निर्माण गरिसकेको र यसलाई पूरा गर्नका लागि प्रमुखको उम्मेदवारी दिएको बताइन। । बितेको ५ बर्षमा भरतपुरले दैशके नमुना विकास गरेको र आगामी कार्यकालमा बिकास, समृद्दि र सुशासनको उत्कृष्ट नमुना भरतपुरबाट गरेर देखाउने बताउदै जखडीमाई खानेपाली आयोजना ३७ करोडको लागतमा आफूलेने सुरूगरेको र छिट्टै सम्पन्न हुने बताईन् ।बसेनी बजार लामाटोल सहक निर्माण भैसकेको र बाईपास गोर्खाली टोल ३ किमी सडक स्मार्ट सिटी कार्यक्रम अन्तरगत टेन्डर निस्कासनको चरणमा रहेको बताईन् । नवजागृती फन पार्कलाई गुरूयोजना बमोजिम वार्षिक रूपमा बजेट विनियोजन गरेको र आगामी कार्यकालमा यसलाई पनि पुरा गर्ने योजना सहित अगाडि बढेको बताउदै अब मध्य भरतपुरका सबै वडाहरूको सतह ढल र प्रशाधन केन्द्र निर्माण गरी सहरी क्षेत्रलाई सुरक्षित र व्यवस्थीत बनाउने योजना अगाडि बढाइ सकेको समेत बताईन् । भूमिहीनहरूलाई जग्गाधनी पूर्जा र बेरोजगारी समस्या हल गर्ने आफ्नो मूख्य लक्ष्य रहेको समेत बताईन ।
प्रतिक्रिया दिनुहोस्