गोरखा। गोरखा नगरपालिका अन्तर माध्यमिक तह वक्तृत्वकला प्रतियोगीतामा महेन्द्र मावि कुन्दुरटारका छात्र मन्दिप लामाले प्रथम भएर उपाधि हात पारेका छन् । दण्डपाणी अर्याल केन्द्र काठमाण्डु र सरस्वती मावि आहालेको सहकार्यमा शुक्रवार भएको प्रतियोगीतामा ओल्ड क्यापिटल बोर्डिङकी छात्रा प्रजिता वानियाँ दोस्रो र शक्ति मावि पाटेचौरकी छात्रा समिना पन्त तेस्रो भएकी छन् ।
उनीहरुले क्रमश सात हजार, पाँच हजार र तीन हजार नगद पुरस्कारको साथमा प्रमाणपत्र पाएको सरस्वती मावि आहालेका प्रधानाध्यापक पुरुषोत्तम भट्टराईले बताए । प्रतियोगीतामा सहभागी सबै बिद्यार्थीलाई जनही एक हजार रकम उपलब्ध गराइएको उनले जानकारी दिए ।
प्रतियोगीतामा १७ बिद्यालयका १७ जना बिद्यार्थी सहभागी थिए । ईश्वरचन्द्र वानियाँको अध्यक्षता तथा गोरखा नगरपालिकाका मेयर कृष्ण रानाको प्रमुख अतिथ्यतामा कार्यक्रम सम्मपन्न भएको थियो ।
प्रतिक्रिया दिनुहोस्