पोखरा। सर्वोच्च अदालतले रेशम चौधरीलाई जन्मकैद गर्ने फैसला सदर गरेसँगै नागरिक उन्मुक्ति पार्टीले सर्वोच्च अदालतको आदेशअनुसार लाल आयोगको प्रतिवेदन सार्वजनिक गर्न माग गरेको छ ।
वरिष्ठ उपाध्यक्ष दामोदर पण्डितले विज्ञप्ति निकालेर लाल आयोगको प्रतिवेदन सार्वजनिक गर्न माग गरेका हुन् । अन्यथा जेठ ६ देखि १० सम्म नेपाल बन्द गर्ने चेतावनी दिइएको छ ।टीकापुर घटनालाई राजनीति घटनाको रुप लिइनुपर्ने र सोहीअनुसार समाधान खोजिनुपर्ने नागरिक उन्मुक्ति पार्टीले माग गरेको छ । 
‘यदि रेशमलाल चौधरी लगायतका राजवन्दी हत्यारा हुन् भने फासिदिने ऐन बनाएर रेशमलाल चौधरीलाई फासि दिए हुन्छ । यदि लाल आयोग प्रतिवेदन सरकारले सार्वजनिक गरेन भने हाम्रो अर्को विकल्प छैन । हामी आन्दोलन गर्न विवस हुने छौं । जेष्ठ ३,४,५ गते देशव्यापी राँके जुलुश प्रदर्शन कोण सभा र जेष्ठ ६ गते देखि १० सम्म “नेपालबन्द” गर्ने घोषणा यसै प्रेस विज्ञप्तीबाट जानकारी गराइन्छ ।’ विज्ञप्तिमा उल्लेख छ ।
प्रतिक्रिया दिनुहोस्