काठमाण्डु। सम्माननिय प्रधानमन्त्री श्री पुष्पकमल दाहाल ‘प्रचण्ड’ प्रधानमन्त्री श्री नरेन्द्र मोदीको निमन्त्रणामा मे ३१ मे २०२३ देखि ०३ जुन २०२३ सम्म भारतको औपचारिक भ्रमणमा जाने निश्चित भएको छ । सन् २०२२ को डिसेम्बरमा कार्यभार सम्हालेपछि नेपालका प्रधानमन्त्रीको यो पहिलो द्विपक्षीय विदेश भ्रमण हुनेछ ।
भ्रमणका क्रममा नेपालका प्रधानमन्त्रीले राष्ट्रपति र उपराष्ट्रपतिसँग भेट गर्नेछन् र भारत र नेपालबीचको द्विपक्षीय साझेदारीका विविध क्षेत्रमा छलफल गर्न प्रधानमन्त्री मोदीसँग व्यापक वार्ता गर्नेछन्। नेपालका प्रधानमन्त्रीसँग अन्य भारतीय विशिष्ट व्यक्तिहरुले पनि भेट गर्नेछन्।
औपचारिक कार्यक्रमका अतिरिक्त नेपालका प्रधानमन्त्रीले उज्जैन र इन्दौरको पनि भ्रमण गर्ने छन् । हाम्रो ‘छिमेकी पहिलो’ नीतिलाई अगाडि बढाउन भारत र नेपालबीच नियमित उच्चस्तरीय आदानप्रदानको परम्परालाई भ्रमणले निरन्तरता दिएको छ। दुई देशबीचको द्विपक्षीय सम्बन्ध विगत केही वर्षमा सहयोगका सबै क्षेत्रमा उल्लेखनीय रूपमा सुदृढ भएको छ। यस भ्रमणले द्विपक्षीय साझेदारीलाई थप गति दिन दुवै पक्षले दिएको महत्त्वलाई जोड दिदै आएको छ।
प्रतिक्रिया दिनुहोस्