गोरखा । गाेरखा जिल्लाकाे शहिदलखन गाउँपालिका वडा नम्बर ३ मनकामनामा बेहुला बेहुली सहित जन्ती बोकेको जीप दुर्घटना हुदा ५ जनाको मृत्यु भएको छ ।सहिद लखन गाउँपालिका ३ मनकामनामा स्थित सिलिङ र ढाँडवारी वीचमा पर्ने अमल डाँडा भन्ने स्थानमा मा शुक्रबार बिहान करिव ३:३० बजे जीप दुर्घटना हुँदा पाँचजनाको मृत्यु भएको हो । घटनामा १४ जना घाइते भएका छन् ।
दुलहा दुलही र जन्ती बाेकेर कोटगाउँबाट पोखरीडाँडा जाँदै गरेको प्रदेश ३–०१–०२३ च २४२७ नम्बरको जीप आज बिहान तीनबजे दुर्घटना भएको प्रहरीले जनाएको छ । जीपमा १९ जना सवार रहेका थिए ।सडकबाट झण्डै दुईसय मिटर तल खसेर जीप दुर्घटना भएको घटनास्थलबाट डिएसपी लीलाराज लामिछानेले बताए । घटनास्थलमा स्थानीय सहित नेपाली सेना र सशस्त्र प्रहरीको टोली पुगेर उद्धार गरेकाे छ ।
प्रतिक्रिया दिनुहोस्