पोखरा। बागलुङमा बस दुर्घटना हुँदा सात जनाको मृत्यु भएको छ । दुर्घटनामा २५ जना घाइते भएका छन् ।रुकुम पूर्वबाट काठमाडौँका लागि छुटेको बागमती प्रदेश ०१–००६ ख ३८७९ नं. को बस आज साझ ५ बजे बागलुङको निसीखोला गाउँपालिका–६ स्थित जाउलेपानीमा दुर्घटना भएको इलाका प्रहरी कार्यालय बुर्तिबाङका प्रहरी प्रमुख प्रहरी निरीक्षक राजकुमार विकले जानकारी दिनुभयो ।
बस सडकबाट करिब ३ सय मिटर तल खसेको उहाँले बताउनु भयो। अहिले उद्धार कार्य जारी रहेको र घाइतेलाई बुर्तिबाङ प्राथमिक स्वास्थ्य केन्द्र बुर्तिबाङ लगिदै गरेको उहाँको भनाइ छ । घटनाको थप विवरण आउन वाँकी रहेको छ ।
डम्मर बुढा मगर, बागलुङ
प्रतिक्रिया दिनुहोस्