रोल्पामा पहिरोले घर पुँरिदा नातिनी र हजुरआमाको मृत्यु

रोल्पा। पूर्वी रोल्पाको सुनछ्हरी गाउँपालिकाको सिउरी गाउँमा गएको पहिरोमा पुरिएर एकै घरका हजुरआमा र नातिनीको जनाको ज्यान गएको छ। प्रहरीले बताए अनुसार शुक्रबार सुनछहरी-४ कामीडाँडास्थित सिउरीकी करिब ७० वर्षीया बसुना सुनार र उनकी ४ वर्षकी नातिनी माया सुनारको पुरिएर मृत्यु भएको हो। अविरल वर्षाले शुक्रबार दिउँसोको घटनाबारेमा प्रहरीले राति ९ बजेतिर मात्रै जानकारी पाएको थियो। देउसिं सुनारको घर पहिरोमा परेर पुरिएको र घटनास्थलमा पुगेर उद्धार गरेका सुलीचौर इलाका प्रहरी कार्यालयका प्रमुख प्रहरी निरीक्षक सन्तोष घिमिरेका अनुसार पहिरोमा पुरिएकाहरुको खोजी निकै लामो समयसम्म गर्नुपरेको थियो। देउसिंको ढुंगा र माटोबाट बनेको २ कोठे घर माथि बाट आएको पहिरोले पुरिएको थियो। देउसिं भने सुरक्षित रहेको प्रहरीले जनाएको छ। घटनापछि छिमेकीलाई सुरक्षित स्थानमा सारिएको छ।