पोखरा। मुलुकको पछिल्लो राजनैतिक घटनाक्रमले प्रमुख प्रतिपक्षी कांग्रेस पनि विभाजित बन्दै गइरहेको छ ।
सर्वोच्च अदालतले संसद् विघटनको निर्णयलाई बदर गरेसँगै बनेको पछिल्लो राजनीतिक अवस्थामा नयाँ सरकार गठनको विषयलिएर नेपाली कांग्रेसभित्र दुई धार देखिएको हो । कांग्रेसभित्र सभापति शेरबहादुर देउवा तत्कालै आफ्नो पार्टीले सरकारको नेतृत्वगर्ने परिस्थिति बनेको बताउँदै आइरहेका छन् । महामन्त्री डा. शशांक कोइराला भने केही दिनभित्रै कांग्रेसकै नेतृत्वमा सरकार बन्नेदाबी गरिरहेका छन् ।
सभापति देउवा स्थिति परिपक्व बनेपछि मात्र सरकारको नेतृत्व गर्ने बताइरहँदा महामन्त्री कोइरालाले भने हप्ता १० दिनभित्रैप्रधानमन्त्री केपी शर्मा ओलीविरुद्ध अविश्वस प्रस्ताव दर्ता हुने र कांग्रेसको नेतृत्वमा नयाँ सरकार बन्ने दाबी गरेका हुन् । कोइरालालेबिहीबार विराटनगरमा सञ्चारकर्मीहरुसँगको कुराकानीका क्रममा केही दिनमा नै ओलीविरुद्ध अविश्वासको प्रस्तावअघि बढ्ने रकांग्रेस नेतृत्वमा माओवादी केन्द्र र जसपा गठबन्धनको सरकार बन्ने दाबी गरेका हुन् ।
तर, देउवाले भने सरकारको नेतृत्व गर्ने परिपक्व वातावरण नबनेको बताउँदै आइरहेका छन् । उनले विकसित राजनीतिक अवस्थामासुरुदेखि नै सो धारणा राख्दै आइरहेका हुन् । राजधानी दैनिकमा समाचार छ
प्रतिक्रिया दिनुहोस्