गोरखा। गोरखामा यस अघि नै पालिकाहरुले नीति तथा कार्यक्रम पेश गरेता पनि गोरखा नगरपालिकाले भने आज नीति तथा कार्यक्रम र बजेट पेश गर्न लागेको छ ।
सबै पालिकाहरुले असार १० गते भित्र नीति तथा कार्यक्रम र बजेट पेश गरेर असार मसान्त भित्र पारित गरि सक्नु पर्ने कानुनी ब्याबस्था अनुसार गोरखा नगरपालिकाले पनि आज नीति तथा कार्यक्रम ल्याउन लागेको हो ।केन्द्र सरकारले जेठ १५ गते र प्रदेश सरकारले असार १ गते बजेट ल्याई सकेका छन् । अन्तर सरकारी बित्त हस्तारण ऐन अनुसार स्थानिय तहले असार १० भित्र बजेट पेश गरि सक्नु पर्छ । समयमा बजेट नल्याएको अबस्थामा केन्द्र सरकारबाट स्थानिय तहमा जाने अनुदान र राजश्ब बाँडफाडमा समस्या पर्न सक्छ । सो वर्ष ९३/९४ करोडको बजेट आउन सक्ने नगरपालिकाको उच्च श्रोतले बतायो।त्यसो त गत आर्थिक वर्षको चालू बजेट भन्दा यो आर्थिक वर्षको बजेट घटेर आउन सक्ने सम्भावना रहेको सोही श्रोतले बतायो।
प्रतिक्रिया दिनुहोस्