गोरखा।गोरखाको नौवटा पालिका र राष्ट्रिय भूमि आयोग बीच भूमिहिन दलित , भूमिहिन सुकुम्बासीलाई जग्गा उपलब्ध गराउने र अब्यवस्थित बसोबासीलाई ब्यबस्थापन गर्ने बिषयमा एक कार्यक्रमका बीच सम्झौता पत्रमा हस्ताक्षर भएको छ ।
सहमति पत्रमा भूमिहिन दलित , सुकुमबासी र अब्यवस्थित बसोबासीका पहिचान लगत संकलन र प्रमाणिकरणको काम स्थानिय तहले गर्ने र भूमि आयोगले समन्वय गरेर लालुपुर्जा बितरण गर्ने साथै असोजसम्म भूमिहिन दलित , सुकुम्बासीलाई लालुपर्जा दिलाइसक्ने भूमि आयोग गोरखाकी जिल्ला अध्यक्ष कमला नहर्कीले बताइन् । सहमति पत्रमा भूमि आयोगका उपाध्यक्ष नहेन्द्र खड्का र पालिकाका मेयर/अध्यक्षले हस्ताक्षर गरेका छन्।। गोरखाका ११ पालिका मध्ये बारपाक सुलिकोट र सहिद लखन गाँउपालिका बीच पहिले नै सम्झौता भइसकेको थियो।
भूमिहिन दलित , सुकुमबासी र अब्यबस्थित बसोबाबासी पहिचान र प्रमाणीकरणको लागि आधार र मापदण्ड उपलब्ध गराउनेसम्बन्धित नापी कार्यालय मार्फत जग्गा नाप नक्सा गर्न नापी टोलि खटाउने सहमति भएको थियो। सहमति पछि वडा र पालिकामापूर्ण रुपमा अधिकार गएकाले जति वडा र पालिकाले काम छिटो गर्छन् त्यति नै छिटो लालुपुर्जा पाउने भुमि आयोग गोरखाकासदस्य बिपिन चन्द्र ढकालले बताए ।
प्रतिक्रिया दिनुहोस्