गोरखा।अन्तत नेपाल कम्युनिष्ट पार्टी (माओबादी केन्द) गोरखाले संघ र प्रदेशमा प्रत्यक्ष तर्फ उम्मेदवार बन्ने नेताहरुको प्रस्तावित नामको टुङ्गो लगाएको छ ।संघ तर्फ २ र प्रदेश तर्फ ४ निर्वाचन क्षेत्र रहेको गोरखामा माओबादी केन्द्रले प्रस्तावित उम्मेदवारको केन्द्र समक्ष सिफारिस गरिएको बुझिएको छ।
माओबादी स्रोतका अनुसार प्रतिनिधिसभा गोरखा निर्वाचन क्षेत्र नम्बर १ मा प्रत्यक्ष तर्फ पार्टी अध्यक्ष प्रचण्ड र पहिला पनि चुनाब जितेका लोकप्रिय नेता माओबादी केन्द्रका केन्द्रीय सदस्य माननिय हरिराज अधिकारी (कुमार)
र माओबादी केन्द्रको केन्द्रीय सदस्य सुशिला सिंखडाको नाम सिफारिस गरिएको बताइएको छ। त्यसै गरेर प्रदेशसभा तर्फ क्षेत्र नम्बर १ (क) माओबादी पार्टीको केन्द्रीय सदस्य अमरबहादुर गुरुङ
लेखबहादुर थापा मगर र परशुराम रम्तेलको नाम सिफारिस गरिएको हो ।
क्षेत्र नम्बर १ अन्तरगत प्रदेश सभा (ख) मा पूर्ब समानुपातिक सासंद गोरखा जिल्ला पार्टीका जिल्ला इन्चार्ज कृष्ण धिताल, पार्टीका गण्डकी प्रदेश समितिका सचिव जगन्नाथ खनाल र पूर्व मन्त्री तथा माननिय छम बहादुर गुरुङको नाम सिफारिस गरिएको छ ।
उता प्रतिनिधिसभा गोरखा क्षेत्र नम्बर २ मा अघिल्लो चुनावमा सोही क्षेत्रबाट पराजित, हाल राष्ट्रिय सभाका माननिय सदस्य तथा पार्टीका बरिष्ट उपाध्यक्ष नारायणकाजी श्रेष्ठ (प्रकाश), पार्टीका केन्द्रीय सचिव हितराज पाण्डे,
केन्द्रीय सदस्य चुडामणी खड्का (प्रकाश) र लेखनाथ न्यौपानेको नाम सिफारिस गरिएको स्रोतले जनाएको छ ।
त्यस्तै क्षेत्र नम्बर २ अन्तर्गत प्रदेश सभा (क) मा केन्द्रीय सदस्य खोपबहादुर कंडेल, कमला नहर्की र र प्रदेश समिति सदस्य धना तमुको नाम सिफारिस गरिएको हो । क्षेत्र नम्बर २ अन्तर्गत प्रदेश सभा (ख) मा पार्टी केन्द्रीय सदस्य भगवती तिवारी, बारपाकसुलिकोट गाउँपार्टी अध्यक्ष नरबहादुर गुरुङको नाम सिफारिस गरिएको स्रोतले जनाएको छ ।
प्रतिक्रिया दिनुहोस्