पोखरा। नेपाल कम्युनिष्ट पार्टी(नेकपा) बहुमतका स्थायी कमिटी सदस्य योगेश भट्टराईले प्रधानमन्त्री ओली द्रुत गतिमा दक्षिणपन्थी बाटो तर्फ जादै गरेको बताउनुभएको छ ।
शनिबार माक्र्सवादी ज्ञान केन्द्रले आयोजना गरेको संसद विघटन र समाजवादी क्रान्तिको मार्गचित्र विषयक अन्तरक्रिया कार्यक्रममा बोल्दै स्थायी कमिटी सदस्य भट्टराईले संसद बिघटन गर्ने र असंबैधानिक कदम चाल्ने जस्ता कार्य गरेर प्रधानमन्त्री ओली दक्षिणपन्थी बाटोमा दौडिएको आरोप लगाउनुभएको हो ।
संविधानमा भएका कतिपय विषय प्रधानमन्त्री ओलीलाई मन नपरेको भन्दै उहाँले तिनै मुद्दालाई संशोधन गर्नका निम्ति ओलीले दुईतिहाई मत मागेको समेत बताउनुभयो । नेपालको संविधानको निर्माता आफ्नो पार्टी, वर्ग, विचार र सिद्धान्त भएकोले संविधानप्रति आफुहरुको लगाव र स्नेह रहेको उहाँको भनाई छ ।
भट्टराईले संविधानमाथिको प्रश्नमा वकिलहरु व्यवसायिकता भनेर विचारबाट भाग्न नपाउने बताउनुभयो । उहाँले वकिलहरु कुनै फौजदारी विषयको मुद्दामा लड्न स्वतन्त्र भएपनि संविधानको विषयमा व्यवसायिक धर्म भनि जान नमिल्ने बताउनुभएको हो ।
संविधानमाथिको प्रश्नमा वकिलहरु व्यवसायिकता भनेर विचारबाट भाग्न नपाउने उहाँको भनाई छ ।
प्रतिक्रिया दिनुहोस्